Jasper Cillessen mund ta përfundojë më herët se që kishte menduar aventurën te Barcelona.
Portieri holandez nuk ka pasur hapësira fare tek gjiganti katalunas dhe ka kërkuar largimin.
Trajneri Ernesto Valverde i ka dhënë leje drejtuesve të klubit për tu larguar portieri pasi nuk dëshiron ta mbajë me zor në bankën rezervë.
Gjithsesi e ardhmja e holandezit pritet të jetë në kampionatin anglez Ligën Premier.
Është Newcastle United që po kërkon me çdo kusht transferimin e portierit qysh në afatin kalimtar të janarit.
‘Laraskat’ janë të gatshme të paguajnë rreth 16 milionë euro për transferimin e Cillessenit në Angli.
28-vjeçari iu bashkua Barcelonës në verën e vitit 2016 nga skuadra holandeze Ajax për 13 milionë euro.
Ai këtë edicion ka pasur vetëm një paraqitje për Barcelonën në Kupën e Spanjës. /Telegrafi/