Pas shumë kohësh larg muzikës, Çiljeta është rikthyer pa pasur frikë se janë shtuar “konkurrentet”, të cilat përveç të tjerave shkëlqejnë me format joshëse fizike.
“Dalja ime e parë muzikore ka qenë para 13-vjetësh, duke thyer tabu në një terren të vështirë paragjykimesh, me një mentalitet komplet ndryshe nga sot. Në këtë hapësirë kohore, kam lënë vend edhe për shfaqjen e brezave të rinj të këngëtareve, të cilat po futen në tregun muzikor me mënyrën e tyre. Ka vend për të gjitha kategoritë. Unë nuk e shoh veten përballë askujt, por vetëm përballë vetes sime”, ka thënë Çili në një intervistë për “Paloma.”
Projektin e saj të fundit këngëtarja e solli në bashkëpunim me reperin e njohur Noizy, duke sjellur një videoklip të gjatë 12 minuta, i pari i këtij lloji në skenën muzikore shqiptare. /Telegrafi.