“Non-paper” i publikuar autenticiteti i të cilit nuk dihet, dhe ku flitet për marrëveshjen Kosovë-Serbi, nxiti reagime të shumta.
Por, çka nënkupton termi “non-paper” në fushën e diplomacisë?
Ky term përdoret për t’iu referuar një letre e cila nuk është zyrtare dhe nuk mban një vulë të një qeverie.
Më konkretisht, në gjuhën diplomatike, një “non-paper” përdoret kur një qeveri i përcjell një çështje qeverisë/qeverive ose akterëve të tjerë të një shteti ndërsa nuk mbanë asgjë të regjistruar, shkruan Telegrafi.
Një “non-paper” në thelb është një mjet me të cilin, në punët ndërkombëtare, konsiderohet subjekt pa e trajtuar procesin si zyrtar.
Ndryshe gjatë ditës së djeshme ka pasur reagime të shumta rreth një “non-paper” të publikuar në media, ku thuhej se ishte hartuar nga Gjermania dhe Franca, si iniciativë për rinisjen e dialogut Kosovë-Serbi, dhe përmbylljen e këtij procesi me një marrëveshje përfundimtare.
Një gjë e tillë u mohua nga zyrtarët e Gjermanisë, Francës dhe Bashkimit Evropian. /Telegrafi/
