‘Frymëzimi’ mund të vijë nga kudo kur bëhet fjalë për zgjedhjen e emrave të foshnjave – qoftë nëse dikush përzgjedh emrin nga ndonjë personazh, ose nga ngjyrat apo moti.
Sipas medieve të huaja, përcjell Telegrafi, një çift e ka kuptuar se ka kufij në atë se qeveritë do të pranojnë, pasi kërkesa e tyre për ta quajtur djalin e tyre Vladimir Putin pas presidentit të Rusisë – u mohua.
Çifti, nga qyteti Laholm në Suedi, e kishin dorëzuar emrin për miratim pasi të gjithë emrat e zgjedhur për të sapolindurit, duhet së pari të miratohen nga agjencia tatimore e vendit.
Në Suedi, emrat e parë nuk mund të jenë ofendues ose të kenë ndonjë rrezik për të shkaktuar “shqetësim” ose probleme për personin.
Emrat e parë që ngjajnë me mbiemrat janë gjithashtu të ndaluar në vend.
Çiftit në vend iu refuzua kërkesa nga agjencia tatimore, edhe pse ata nuk deklaruan se cilin rregull e kishte thyer emri i sugjeruar. /Telegrafi/