Gjatë një shpërngulje në shtëpinë e re, gjithmonë zbulon detaje të papritura, fqinjët ndoshta shumë të zhurmshëm, apo gjëra nga më të ndryshmet, por një çift në Kaliforni ka zbuluar një bunker bërthamor.
Colleen dhe Chris Otcasek blenë shtëpinë e tyre që e kishin ëndërr në Woodland (Kaliforni), e cila kishte diçka të pazakontë: Vrima në kopshtin nga pas i çoi në një strehë nga epoka e Luftës së Ftohtë.
Vende të tilla strehimi janë veçanërisht të njohura gjatë administratës së Dwight Eisenhower (1953-1961), një periudhë në të cilën janë shpërndarë broshura për të udhëzuar njerëzit për të ndërtuar strehëza pasi po afronte lufta bërthamore.
Çifti Otcasek kanë gjetur një kuti që përmbante ilaçe, ujë, ushqim të konservuar dhe veshje që nga 1961, të ruajtura në formë të përkthyer.
Më pas ata filluan kërkimet për bunkerin dhe kanë gjetur se pronari i mëparshëm i shtëpisë, Alvin Kaufman, ishte një inxhinier bërthamor duke punuar për Qeverinë e Shteteve të Bashkuara dhe ishte i vetëdijshëm për rreziqet e përfshira në luftën e mundshme bërthamore midis fuqive botërore, transmeton noa.
Megjithatë, e bija e Kaufman i tha çiftit se babai i saj mendonte për të bërë një strehë të nëndheshme për të gjithë fqinjët e tij, megjithatë, oferta u refuzua nga fqinjët.
