Chukwueze konsiderohet si lojtar i Milanit

Milani është në prag të nënshkrimit të një marrëveshjeje për anësorin e Villarrealit, Samu Chukwueze, sipas raportimeve në Spanjë.

Kuqezinjtë duken sikur do të humbasin një marrëveshje për Arnaut Danjuma këtë verë, me sulmuesin holandez që preferon një lëvizje në Angli.

Megjithatë, lojtari nigerian është afër bashkimit me Milanin, raporton Matteo Moretto. Marrëveshja do t’i kushtojë klubit italian 25 milionë euro, që është një çmim i mirë për yllin e Villarrealit.

Lexo po ashtu Milani pranë marrëveshjes me Villarrealin për Chukwueze

Chukwuezes i skadon kontrata verën e ardhshme, dhe duket se nuk ka gjasa që ai të rinovojë, kështu që Villarreali ka vendosur të mbushë arkat këtë verë.

Moretto vazhdon të raportojë se Chukwueze tashmë ka pranuar kushtet e Milanit dhe do të nënshkruajë një marrëveshje pesëvjeçare. Raportimet e fundit thonë se ai do të fitojë 20 milionë euro nga marrëveshja, paga e tij është 4 milionë euro në vit.

Ndërsa Chukwueze ka spikatur gjithmonë për driblimet e tij mbresëlënëse, sezonin e kaluar ai shtoi prodhimin në lojën e tij, duke u bërë shumë më i qëndrueshëm.

13 gola dhe 11 asistime e bënë atë një nga elementët kyç në përfundimin e Villarrealit në vendin e pestë. Nëse ai mund ta bëjë atë prodhim një pjesë të përhershme të lojës së tij, atëherë Milani do të ketë një nga lojtarët më të rrezikshëm në Evropë. /Telegrafi/