Të hënën, presidenti i SHBA-ve, Donald Trump kërcënoi se do të dërgojë agjentë federalë në New York dhe qytete të tjera që janë kështjella të demokratëve, për të mbrojtur ndërtesat e qeverisë federale dhe “rivendosur rendin”.
Aksioni i agjentëve federalë në Portland u quajt “devijim autoritar”. “Administrata Trump nuk do të vendosë agjentë pa emër në rrugët e Chicagos”, tha të martën kryebashkiaku Lori Lightfoot, duke njoftuar se do të padisë Trumpin.
Chicago ka regjistruar një shpërthim dhune kohët e fundit, ku janë kryer 116 vetëvrasje në 28 ditët e fundit, një rritje prej gati 200 për qind, sipas Departamentit të Policisë, shkruan reuters.
Dhe Kryetari i Bashkisë së Nju Jorkut, Bill de Blasio përsëriti të mërkurën se qyteti do të ndjekë penalisht agjentët federalë nëse ata vendosen.
Presidenti republikan ka kritikuar ashpër demokratët me të cilat qytete dhe shtete udhëheqin, ku krimi është në rritje, dhe shpreson se programi i tij i futjes së “ligjit dhe rendit” do t’ia rrisë popullaritetin katër muaj para zgjedhjeve presidenciale, transmeton Telegrafi.
Shtëpia e Bardhë po përpiqet të përqendrohet në krimin urban në fjalimet e saj, ndërsa popullariteti i Trump po bie për shkak të mënyrës sesi qeveria e tij menaxhoi pandeminë e coronavirusit.
Programi “Legjendat e Operacionit” përfshin anëtarët e Policisë Federale (FBI) dhe agjencive të tjera që punojnë në partneritet me zbatimin e ligjit vendor.
Ajo u emërua pasi një djal katërvjeçar, LeGend Taliferro, i cili u qëllua dhe u vra në orët e para të mëngjesit më 29 qershor në Kansas City. /Telegrafi/