Chelsea i është thënë të mbajë Armando Brojan dhe ta luajë atë përpara Kai Havertz. Sulmuesi shqiptar është kthyer në skuadrën londineze pas huazimit të tij te Southampton sezonin e kaluar, por disa klube të Ligës Premier janë të prirur për nënshkrimin e tij në këtë afat.
Blutë morën një ofertë nga West Ham për 20-vjeçarin javën e kaluar prej rreth 35 milionë euro. Por, Chelsea e refuzoi qasjen dhe Hammers e kanë kthyer vëmendjen e tyre diku tjetër.
Neëcastle dhe Everton janë gjithashtu të lidhur me reprezentuesin shqiptar. Chelsea ende nuk ka zëvendësuar Romelu Lukakun, i cili i është bashkuar Interit në formë huazimi pas një sezoni të parë jashtëzakonisht zhgënjyes në perëndim të Londrës.
Ish-sulmuesi i Anglisë, Darren Bent, pretendon se Broja mund të jetë “perfekt” për Chelsean dhe do të donte ta shihte atë të kishte një shans në Stamford Bridge këtë sezon.
“Ai është një qendërsulmues perfekt. Duket se ata do ta lënë të shkojë. Jepini atij një shans”, ka thënë ai.
“Nëse krijojnë raste për të, ai do të shënojë gola. Ai e tregoi këtë në Southampton”.
Ish-mesfushori i Crystal Palace, Darren Ambrose ishte dakord. Dhe ai pretendoi se Broja duhet të jetë zgjedhja e parë e Chelseat përpara Kai Havertz.
Ambrose komentoi: “Unë mendoj se ai duhet të jetë numri 9 i tyre. Në numrin 9, unë do ta luaja atë përpara Havertz”. /Telegrafi/