Chelsea po planifikon që në këtë afat ta shesë Tiemoue Bakayokon dhe Danny Drinkwaterin, pasi nuk i ka marrë me vete në përballjen ndaj Borussia Monchengladbach në Gjermani.
Skuadra londineze nuk llogaritë më në shërbimet e të dy mesfushorëve, derisa kanë pranuar disa oferta nga klubet e ndryshme evropiane.
Tani ku ka mbetur edhe një javë nga mbyllja e afatit kalimtar, Frank Lampard thuhet se i ka bërë francezit dhe anglezit që të kërkojnë skuadër të re.
Bakayoko në sezonin e kaluar kishte qëndruar në huaizm te Milani, mirëpo forma e tij nuk ishte përmirësuar.
Nga ana tjetër, Drinkwater dështoi të regjistronte një paraqitje në sezonin e kaluar nën urdhrat e Maurizio Sarrit në Ligën Premier, ndërsa tani lidhet me largim nga Stamford Bridge.
Lampard kishte bërë të ditur se të gjithë lojtarët do ta kenë shansin që ta tregojnë vetën nën menaxhimin e tij, por francezin 24-vjeçar dhe anglezi 29-vjeçar, nuk janë në planet e tij. /Telegrafi/