Chelsea vazhdon të kërkojë mbrojtës qendre, por ende nuk ka arritur dot të siguroj një të tillë këtë afat kalimtar veror.
Largimet e dyshes Antonio Rudiger dhe Andreas Christensen e kanë bërë me kokëdhimbje trajnerin Thomas Tuchel i cili tani kërkon afrimin e dy mbrojtësve qendror.
Jules Kounde ishte objektivi kryesor, por francezi duket se ka zgjedhur Barcelonën, njëjtë siç veproi Matthijs de Ligt që ka zgjedhur transferimin te Bayerni.
Tani londinezët kanë një emër të ri në listë dhe ai është qendërmbrojtësi i Bayern Munich, Dayot Upamecano.
Me ardhjen e De Ligt, Upamecano nuk pritet të ketë shumë hapësira dhe ai po mendon largimin, derisa Chelsea pritet të nis një ofertë zyrtare në drejtim të Bayernit për të.
23-vjeçari edhe më parë ka qenë i lidhur me një transferim në Londër dhe mirëpret kalimin në Ligën Premier, pasi viti i tij i parë në Munich nuk ishte më i miri i mundshëm.
Mediat në Angli dhe Gjermani kanë raportuar se Chelsea është gati të shpenzojë deri në 45 milionë euro për transferimin e Upamecanos në Stamford Bridge. /Telegrafi/