Chelsea pëson humbje të thellë nga Wolvesi në “Stamford Bridge”, Cunha me het-trik

Chelsea ka pësuar humbje të thellë përballë Wolvesit me rezultat 4-2 në kuadër të javës së 23-të në Ligën Premier.

Blutë kaluan të parët në epërsi me golin e Cole Palmer, kur u asistua nga Moises Caicedo në minutën e 19-të.

Por, tre minuta më vonë, mysafirët i barazuan shifrat në 1-1 me golin e Matheus Cunha, me një asistim të Joao Gomes.

Fatkeqësia më e madhe e Chelseat ishte në minutën e 43-të, kur Axel Disasi shënoi auto-gol, për rezultatin 2-1.

Pjesa e dytë u dominua nga Ujqit, që ia dolën të shënonin edhe dy herë të tjera.

Cunha e shënoi golin e dytë personal në ndeshje në minutën e 63-të dhe të tretin për skuadrën e tij kur u asistua prej Pedro Netos.

Për të kompletuar het-trikun e tij, Cunha realizoi nga penalltia për 4-1 në minutën e 82-të.

Blutë shënuan për 4-2 me anë të Thiago Silvas (86’), por vetëm kaq ishte potenciali i tyre në këtë takim.

Pas javës së 23-të, Chelsea gjendet në vendin e 11-të me 31 pikë, ndërsa në xhiron e 24-të do kenë punë me Crystal Palacen. /Telegrafi/