Chelsea ka arritur marrëveshje me Leicester Cityn për transferimin e futbollistit anglez Kiernan Drewsbury-Hall.
Shuma e cila është paguar për transferimin e 30-vjeçarit besohet të jetë 30 milionë euro, së bashku me propozimet tjera që Leicesteri ka marrë.
Mesfushori pritet që të kompletojë sot (30 qershor) testet mjekësore ndërsa kushtet personale janë arritur me një kontratë deri në vitin 2030.
I diplomuari në akademinë e Leicesterit po cilësohet si një lojtar i përshtatshëm për stilin e futbollit që Chelsea dëshiron të luajë nën urdhrat e trajnerit të ri Enzo Maresca, i cili zëvendësoi Mauricio Pochettinon në “Stamford Bridge” më herët këtë verë.
The Athletic kishte raportuar të premten se Chelsea ka bërë një ofertë për të nënshkruar me Drewsbury-Hall.
🚨🔵 Kiernan Drewsbury-Hall to Chelsea, here we go! Player on his way to medical today ahead of contract signing.
Deal valid until June 2030 for KDH at Chelsea, reunited with Enzo Maresca.
Chelsea to pay fee around £30m to Leicester City after final round of talks today. pic.twitter.com/EhmW9OO7Wf
— Fabrizio Romano (@FabrizioRomano) June 30, 2024
Futbollisti e ka refuzuar mundësinë që të transferohet tek Brightoni, ndërsa kontrata e tij me Leicesterin ishte e vlefshme deri në vitin 2027.
Drewsbury-Hall ka startuar në 41 ndeshje nga 46 sa i luajti gjithsej për Marsecan sezonin e kaluar, dukë shënuar 12 gola dhe duke dhurar 14 asistime teksa siguruan rikthimin në elitë.
Ai iu bashkua Leicesterit në moshën tetë vjeçare në vitin 2006 ndërsa kaloi nëpër sistemin e grupmoshave deri sa bëri debutimin në vitin 2020.
Chelsea gjithashtu ka arritur një marrëveshje në parim për transferimin e Marc Guiut nga Barcelona, ndërsa janë shumë afër kompletimit të transferimit të mbrojtësit Aaron Anselmino nga Boca Juniors./Telegrafi/