Chelsea ka arritur fitore të rëndësishme në ndeshjen e parafundit sezonale në Ligën Premier duke e mposhtur Watfordin në Stamford Bridge me rezultat 3-0.
Rrjetat heshtën në fraksionin e parë të lojës, mirëpo Blutë shënuan tri herë në pjesën e dytë.
Ruben Loftus-Cheek e zhbllokoi rezultatin me të filluar pjesa e dytë pas asistimit nga Eden Hazard (48′). Menjëherë pas, David Luiz e dyfishoi epërsinë, ndërsa sërish asistues ishte mesfushori belg.
Gola e tretë që e vulosi fitoren e shënoi në minutën e 75-të Gonzalo Higuain, i cili u asistua nga Pedro.
Me këtë fitore, Chelsea është ngritur në vend të tretë në tabelë me 71 pikë dhe e ka në dorë kualifikimin në Ligën e Kampionëve, të cilën duhet ta arrijë në xhiron e fundit.
Watfordi e ka siguruar mbijetesën dhe nuk ka ndonjë objektiv, pasi ndodhet larg zonës evropiane.
Në javën e fundit të kampionatit anglez, Blutë janë mysafirë të Leicester Cityt, kurse Watfordi është nikoqir i West Ham Unitedit. /Telegrafi/
RUBEN LOFTUS CHEEK GOAL! This could be a top four deciding goal. https://t.co/X8AgQbinzP
— CM (@CFCJorg) May 5, 2019
GOAL ! 🔵 Chelsea – Watford 2-0
⚽️ David Luiz 🇧🇷#CHEWAT pic.twitter.com/NKpUQb0nYX— All Goals ⚽ (@AllGoaals) May 5, 2019