Sulmuesi i Chelseat, Kai Havertz, thotë se nuk do ta ketë problem të paguajë udhëtimin me aeroplan për të dhe shokët e tij pasi gjigant londinez nuk ka mundësi që të paguajë udhëtimet në ndeshjet jashtë vendit nga fondet e saj.
Ekipi i Stamford Bridge nuk mund të shesë bileta individuale ose gjëra nga Fan Shopi pasi e gjithë pasuria e klubit është ngrirë për shkak të sanksioneve kundër pronarit Roman Abramovich.
Ndeshja e fundit kundër Newcastle ishte e lehtë për t’u organizuar sepse është një ndeshje në shtëpi dhe në kampionatin e tyre, por ndeshja e Ligës së Kampionëve kundër Lille ka zbuluar disa problemet reale.
Pure emotion! 🤪#CheNew pic.twitter.com/0MMb5oUwAB
— Chelsea FC (@ChelseaFC) March 13, 2022
Situata financiare në klub është e tillë që është e diskutueshme se si do të udhëtojë Chelsea. Sponsorët kryesorë u tërhoqën dhe kompania Three, e cila reklamon në fanellë, anuloi një kontratë me vlerë 40 milionë funte në vit.
Mirëpo, lojtarët e kësaj skuadre, konkretisht Havertz, ka ofruar të paguajë për udhëtimin e skuadrës për në Francë, e më pas në Middlesbrough për ndeshjen e FA Cup, me shpresën se deri atëherë do të zgjidhen problemet.
“Për momentin ka çështje më të vështira në botë sesa dilema për një udhëtim me autobus ose aeroplan. Unë do të paguaj, nuk ka problem…”, ka thënë Havertz.
Kai Havertz will pay for Chelsea's travel if he needs to 😤 pic.twitter.com/EHjAtxw4sG
— ESPN FC (@ESPNFC) March 15, 2022
Kujtojmë, pas sulmit të Rusisë ndaj Ukrainës, sanksionet prekën edhe oligarkët rusë, përfshirë Abramovich, dhe qeveria britanike ndaloi të gjitha aktivitetet e tij në ishull. /Telegrafi/