Chelsea ka kontaktuar me agjentin e Paulo Dybala dhe mund të aktivizojë klauzolën e lirimit prej 12 milionë euro në kontratën e tij me Romën.
La Joya u transferua në Stadio Olimpico verën e kaluar si lojtar i lirë kur marrëveshja e tij me Juventusin skadoi.
Ai nënshkroi një kontratë deri në qershor 2025, por ajo përfshinte një klauzolë specifike lirimi prej vetëm 12 milionë euro që është e vlefshme vetëm për klubet jashtë Italisë.
Sipas ekspertit portugez të transferimeve, Pedro Almeida, kjo ka rënë në sy të Chelseat, të cilët i janë afruar agjentit të Dybalas për të kërkuar informacion.
Roma mund të heqë klauzolën – e cila është 20 milionë euro për skuadrat e Serisë A – duke rritur pagën e tij në 6 milionë euro në sezon.
29-vjeçari bëri 38 paraqitje për Romën, duke shënuar 18 gola dhe duke dhënë tetë asistime, kështu që ishte sezoni i tij më i mirë që nga 2017/18 në Juventus.
Ai gjithashtu ndihmoi Giallorossët të arrinin në finalen e Ligës së Evropës, ku humbën me penallti nga Sevilla./Telegrafi/