Chelsea e ka nisur për mrekulli sezonin, ku tani ndodhet në pozitën e dytë në tabelën e Ligës Premier dhe me vetëm dy pikë mbrapa liderit Liverpool.
Duke parë ecurinë fantastike, londinezët janë të etur për të bërë nënshkrime të reja gjatë afatit kalimtar të janarit.
Chelsea është e interesuar për sulmuesin e Ipswich Town, Liam Delap, pasi ata kërkojnë të forcojnë opsionet e tyre sulmuese, sipas TEAMtalk .
Vendosmëria, forca dhe aftësia e Delap kanë tërhequr vëmendjen e skuadrës së madhe angleze, të cilët janë të etur për të rritur thellësinë e tyre sulmuese.
21-vjeçari i është bashkuar Ipswich këtë verë në një marrëveshje prej 20 milionë funtesh nga Manchester City.
Chelsea beson se stili i lojës së Delap mund të plotësojë Cole Palmer, me anësorin e ri që vazhdon të shkëlqejë si forca krijuese në klub.
Pavarësisht interesimit, Ipswich Town thuhet se shpreson ta mbajë Delapin të paktën deri në fund të sezonit.
21-vjeçari ka shënuar gjashtë gola këtë edicion dhe ka dhuruar një asistim në 17 ndeshje në Ligën Premier, derisa aj vlerësohet rreth 45 milionë euro. /Telegrafi/