Chelsea i gëzohet triumfit të Real Madridit në Ligën e Kampionëve, bonuset e Hazardit i sjellin miliona euro shtesë

Chelsea thuhet se ka marrë një fitim të mirë parash falë triumfit të Real Madridit në Ligën e Kampionëve ndaj Liverpoolit të shtunën mbrëma.

Blutë e shitën Eden Hazardin te Reali në vitin 2019, por marrëveshja ende po u siguron atyre fonde të vlefshme transferimi falë një sërë klauzolash që u shtuan.

Hazard as nuk hyri në fushë në Stade de France – dhe prapëseprapë titulli i 14-të evropian i Realit pas fitores 1-0 do të thoshte shumë për ish-klubin e tij.

Lexo po ashtu Pamje nga festa e çmendur e Real Madridit në zhveshtore pas triumfit në Ligën e Kampionëve

Sipas BBC Sport, belgu u shit për një tarifë fillestare prej 89 milionë funtesh (100 milionë euro) në qershor 2019, por marrëveshja ishte e strukturuar në një mënyrë që nënkuptonte se tarifa e transferimit mund të kalonte 150 milionë funte.

Kjo për shkak se Chelsea futi bonuse të bazuara në performancë në marrëveshje, që do të thoshte se suksesi i Hazard në Madrid do t’i siguronte atyre përfitimin e miliona eurove shtesë.

Dhe ndërsa 31-vjeçari ka kaluar kryesisht një kohë zhgënjyese në kryeqytetin spanjoll për shkak të lëndimeve dhe mungesës së formës, suksesi i përgjithshëm i ekipit ka sjellë para për ish-klubin e tij, Chelsea.

Chelsea fitoi 20 milionë funte kur skuadra e Hazardit fitoi La Ligën në vitin 2020 dhe medalja e tij e parë e Ligës së Kampionëve i ka parë ata të marrin një tjetër shumë të madhe e cila gjithashtu thuhet se është 15-20 milionë euro.

Hazard ka shënuar vetëm gjashtë gola në 66 paraqitje për Realin gjatë tre sezoneve të fundit – dhe megjithatë ai po vazhdon t’u kushtojë atyre shumë shtrenjtë. /Telegrafi/