Lideri i Ligës Premier, Chelsea është duke dëshiruar ta përforcojë mbrojtjen.
Londinezët janë duke shkëlqyer por dëshirojnë ta përforcojnë mbrojtjen pasi në fund të stinorit pritet largimi i John Terryt.
Të kaltërtit nga Londra janë duke kërkuar me ngulm mbrojtësin senegalez, Kalidou Koulibaly që po shkëlqen me Napolin.
25-vjeçari ka shkëlqyer në dy vitet e fundit me klubin italian duke u bërë shtyllë e mbrojtjes.
Ai ka një kontratë të gjatë me Napolin deri në qershor të vitit 2021.
Mirëpo Conte dhe Chelsea e duan shumë lojtarin dhe janë të gatshëm të ofrojnë shumë para për të.
Mediat angleze kanë raportuar se lideri aktual i Ligës Premier janë të gatshëm të ofrojnë 50 milionë euro për transferimin e tij.
Mbetet të shihet nëse Napoli do ta lë të lirë yllin e tyre kryesor. /Telegrafi/