Chelsea është e bindur se do ta transferojë Jadon Sanchon nga Borussia Dortmundi në afatin kalimtar të janarit ose në verë.
Gazetari i Goal.com, Nizaar Kinsella raporton se The Blues po e kërkojnë me ngulm transferimin e anësorit anglez, por rivalizohen nga Manchester United.
Djajtë e Kuq ka kohë që po e duan transferimin e Sanchos, por lojtari në disa intervista ka bërë të ditur se e pëlqen transferimin te skuadra nga qyteti i Londrës.
Chelsea është e suspenduar edhe në afatin kalimtar të dimrit që të transferojë lojtarë, por që atë vendim dëshiron ta apelojë në Gjykatën e Arbitrazhit të Futbollit (CAS).
Në rast se klubi londinez e fiton gjyqin, atëherë do t’i paguajë 100 milionë euro për transferimin e Sanchos.
Dortmundi po refuzon që ta lëshojë lojtarin në janar, por oferta e Chelseat mund t’i ndryshoj gjërat, por duke pasur parasysh edhe dëshirën e lojtarit që të kalojë në ‘Stamford Bridge’. /Telegrafi/