Nicolae Stanciu është futbollisti i fundit që ka përfunduar në radarin e Chelseat.
Skuadra londineze është duke mbajtur bisedime të ngushta me sulmuesin e Steaua Bucharest, Nicolae Stanciu.
Sipas Mirror, sulmuesi rumun pëlqehet nga trajneri italian, Antonio Conte, pasi do të ishte një pikë reference si startues, por edhe zëvendësues.
Sulmuesi i gjithanshëm, i cili mund të veprojë kudo në të gjithë vijën sulmuese, shënoi 14 gola dhe grumbulloi 11 asistime sezonin e kaluar në nivel klubi.
23-vjeçari rumun e ka kapur syrin e trajnerit Antonio Conte, i cili ndjen që një ofertë prej vetëm 6 milionë euro duhet të jetë e mjaftueshme të zbresin në Londër sulmuesin. /Telegrafi/
