Chelsea po vazhdon negociatat me Monacon për një marrëveshje prej 40 milionë eurosh për mbrojtësin Benoit Badiashile.
Qendërmbrojtësi 21-vjeçar mund të përshtatet në një mbrojtje me tre ose katër lojtarë dhe do t’i jepte trajnerit Graham Potterit më shumë fleksibilitet taktik, raporton Daily Mail.
Badiashile kishte një ofertë nga Newcastle United në fillim të vitit, por mori një lëndim pasi bisedimet filluan dhe skuadra e Eddie Howe kaloi në objektiva të tjerë dhe përfundimisht iu rikthye nënshkrimit të Sven Botman.
Trajneri i Monacos, Philippe Clement, duke folur për interesimin për lojtarët e tij tha: “Si trajner, ne jemi gjithmonë të lumtur kur mbyllet afati i transferimeve. Do të shohim”.
“Kjo varet nga situatat, nëse ato janë interesante për klubin apo jo. Gjëja më e rëndësishme për mua është që lojtarët të kenë mendjen e tyre këtu, dhe ky është rasti”, ka vazhduar ai.
Afati kalimtar hapet më 1 janar dhe Chelsea do të synojë ta transferojë Badiashilen sa më shpejt të jetë e mundur. /Telegrafi/