Pesë vjetët e Donald Tusk si Shef i Këshillit Evropian po mbarojnë, pasi ai është zëvendësuar nga ish-kryeministri belg, Charles Michel.
Udhëheqësi në largim bëri një shtrëngim duarsh dhe një përqafim me presidentin e ri të Këshillit të premten përpara se të dy të mbajnë fjalime, transmeton Telegrafi.
“Është një përgjegjësi e madhe dhe një nder i madh”, tha Michel.
Ai bëri shaka se shpreson të merr aq duartrokitje sa Tusk kishte në fund të udhëheqjes së tij.
Ndryshimi tjetër i madh do të jetë edhe ai i Jean Claude Juncker që do të zëvendësohet nga Ursula von der Leyen si president i Komisionit Evropian.
Michel ka thënë se është i vetëdijshëm për atë që ai e konsideron ‘përgjegjësinë e madhe’ të pozicionit të tij të ri.
Michel tashmë posedon një reputacion si një ndërtues konsensusi, pasi ka shërbyer si kryeministër i Belgjikës për katër vjet nga viti 2014, gjatë një periudhe veçanërisht të turbullt.
Politika është në gjakun e tij; ai është djali më i madh i ish-komisionerit Evropian, Lewis Michel.
Charles u bë një këshilltar në moshën 18-vjeç dhe një ministër rajonal i qeverisë në 25-vjeç.
Kur ai fitoi Kryeministrinë pas zgjedhjeve të vitit 2014, ai ishte kryeministri më i ri i Belgjikës në pothuajse 200 vjet. /Telegrafi/