Chaney Jones iu kundërpërgjigj raporteve se ajo dhe Kanye West janë ndarë me një video për nder të ditëlindjes së tij të 45-të të mërkurën (8 qershor).
Jones ndau një montazh në Instagram që shfaqte foto të saj dhe West gjatë gjithë daljeve të tyre, dhe mbi të ajo shkroi: ‘Gëzuar ditëlindjen zemër, të dua’.
Videoja e mediave sociale shërbeu si demantim për thashethemet që po qarkullonin, megjithëse ajo nuk i ka adresuar ato plotësisht.
Postimi i Jones vjen pasi ajo fshiu të gjitha fotot e saj dhe të stilistit Yeezy nga llogaria e saj në Instagram, gjë që vetëm sa nxiti më tej thashethemet e ndarjes.
Një burim nga ana e West tha për Page Six të martën se marrëdhënia e reperit dhe Jones u bë “e paqëndrueshme” pas udhëtimit të tyre në Tokio në maj, por gjithashtu pranoi historinë e sjelljes së çrregullt të West.
“Ju e dini se si janë gjërat. Nesër ata mund të postohen përsëri së bashku”, tha ky burimi.
Disa orë më vonë, TMZ raportoi se artisti dhe muza e tij 24-vjeçare e ngjashme me Kim Kardashian ishin ndarë pas udhëtimit në Japoni.
Thashethemet e ndarjes u shfaqën fillimisht gjatë fundjavës kur reperi i “Thru the Wire” u fotografua duke parë “Top Gun: Maverick” me modelen Monica Corgan.
Jones dhe interpretuesi i “Heartless” ndezën fillimisht thashethemet për romancë në shkurt, dhe ajo më vonë konfirmoi lidhjen e tyre duke postuar foto nga një “Date Night”. Romanca u duk se u bë serioze kur Jones bëri tatuazh emrin e tij në kyçin e dorës së saj. /Telegrafi/
