Për serbët, urrejtja ndaj Kosovës është mbi të gjitha. Madje edhe kur bëhet fjalë vetëm për një ndeshje miqësore.
Dy futbollistët e Jagiellonias, Ognjen Mudrinski dhe Mile Savkovic, në mënyrë të pabesueshme kanë refuzuar të paraqiten ndaj Ballkanit në miqësoren e zhvilluar dje në Turqi, raporton Gazeta Olle.
Mudrinski e ka konfirmuar këtë lajm, duke thënë se vendimin e morën pas bashkëbisedimit edhe me shtabin teknik.
“Së bashku me stafin teknik ne kemi vendosur që të mos e luajmë këtë ndeshje”, deklaroi Mudrinski.
Ata ndoqën hapat e shumë lojtarëve serbë, të cilët kryesisht pas presionit nga Beogradi, kanë refuzuar të luajnë ndaj Përfaqësueses së Kosovës apo ndaj skuadrave kosovare në Evropë.
Ndryshe, ndeshja e zhvilluar në Turqi dje u mbyll me barazim spektakolar, 3:3.
Golat për Ballkanin i realizuan Arbër Prekazi, Arbër Hoxha dhe Albin Kransiqi.
Ekipi portokallezi bëri një paraqitje pozitive dhe pati mundësi të fitojë krejt ndeshjen.
Më poshtë sekuencat e takimit të publikuara nga Jagiellonia.
