Trajneri i Interit, Roberto Mancini, në konferencën e fundit për shtyp ka deklaruar se sulmuesi malazez Stefan Jovetic vijon të mbetet i dëmtuar.
Për Interin, Jovetic është i lënduar dhe nuk ka shanse të aktivizohet, por çuditërisht për kombëtaren e tij, Malin e Zi nuk mund të thuhet e njëjta gjë.
Stefan Jovetic është grumbulluar me kombëtaren e tij, madje pritet të hidhet në fushë që nga minuta e parë në përballjet kundër Greqisë dhe Bjellorusisë.
Dëmtimi i Joveticit mbetet një enigmë e madhe për Interin, pasi zikaltrit kanë afro një muaj që e deklarojnë të dëmtuar, por malazezi duket se nuk është aspak i dëmtuar, por thjesht nuk hyn më në planet e Interit.
Jovetic me mundësi të madhe në fund të sezonit do të braktisë zikaltrit, pasi nuk arriti të krijojë një raport të mirë me Mancinin dhe me drejtuesit e Interit, të cilët do të kërkojnë sa më shumë pista për shitjen e malazezit, për të mos dalë me humbje nga transferimi i tij.