Në ngjarjen e mbrëmshme kur u sulmua ndërtesa e Kuvendit të Kosovës, rreth vendit të ngjarjes kishin qenë forca të shumta policore.
Në vëzhgim të situatës, përveç pak qytetarëve kanë qenë edhe përfaqësues të medieve, përcjell Telegrafi.
Megjithatë, një detaj interesant që bie në sy është fakti kur një qytetar “ballafaqohet” me policinë.
Siç edhe mund të shihet në videon e mëposhtme (që nga minuta e nëntë), ai fillimisht tenton të “bind për diçka” policët.
Pas kësaj, ai shihet edhe duke bërë “shaka” me përfaqësues të medieve dhe qytetarë të tjerë.
Nuk dihet nëse bëhet fjalë për ndonjë të dehur, apo për ndonjë “trim” që dëshironte të futej në zonën e ndaluar. /Telegrafi/
