Cristiano Ronaldo mund të vrapojë 100 metra në 12 sekonda ka bërë të ditur një atlet spanjoll.
Angel David Rodriguez është kapiten i ekipit spanjoll të atletikës dhe ka zbuluar se ai ishte aty kur kanë bërë një garë në 25 metra.
Spanjolli e kishte ndihmuar Ronaldon në kohën kur ishte te Real Madridi dhe tani AS ka pyetur se sa shpejtë mund t’i vrapojë ai 100 metra.
“Unë isha aty dhe Ronaldo është shumë i shpejtë. Nëse do të ishin 100 metra, ai mund t’i vrapojë për 11,60 sekonda”, ka thënë Rodriguez.
Kjo nënkupton se mbi dy sekonda e gjysmë rekordit të Usain Boltit, që ka regjistruar rekordin 9,58 në 100 metra.
Rodriguez që në Spanjë njihet si ‘Zogu’, ka 21 tituj dhe ai ka sqaruar se si kishte shkuar t’i ndihmonte 35-vjeçarit në kohën kur kishte vetëm 25 vite.
“Isha duke bërë një raport se si vraponte Cristiano Ronaldo, Aty ne duheshim të vraponim në disa stile të ndryshme, duke demonstruar një garë në mes të një atleti dhe një futbollisti”, ka thënë ai.
“Ai është shumë i shpejtë dhe shumë i mirë në lëvizjet e tij. Është e qartë se ai stërvitet shumë”.
Rodriguez më tej ka zbuluar se Ronaldo ka arritur të mposhtë atë në një garë diagonale, derisa ka zbuluar se ai kishte përgatitje tjetër nga atëherë.
“Ajo ishte si një kurth që kishin vendosur ata për mua, që të fillonim të vraponim në mënyrë diagonale. Ishte sikur të bëni që një atlet të luajë tenis duke vallëzuar”, ka sqaruar më tej ai.
Ronaldo në atë kohë kishte një fizik të ndërtuar, por që edhe në këtë moshë, trupi i tij flet shumë, derisa në testet mjekësore te Juventusit, kur ishte transferuar nga Real Madridi, thuhej se muskujt e tij ishin të një 20-vjeçari. /Telegrafi/