Juventusi ka vendosur kundër shkarkimit të Massimiliano Allegrit pavarësisht një fillimi të dobët të sezonit dhe La Gazzetta Dello Sport thekson se vendimi i Andrea Agnellit nuk ka të bëjë vetëm me financat e klubit.
Bardhezinjtë humbën 2-0 kundër Maccabi Haifas mbrëmë, duke minuar shanset e tyre për t’u kualifikuar në raundin e 16-të të Ligës së Kampionëve, një objektiv që Max Allegri e ka arritur gjithmonë gjatë karrierës së tij si trajner.
Presidenti Andrea Agnelli konfirmoi besimin e tij te trajneri mbrëmjen e djeshme, duke thënë se bardhezinjtë nuk do ta shkarkojnë atë. Por, çfarë fshihet pas vendimit të klubit?
Është diskutuar tashmë gjerësisht se si kontrata shtatë milionë euro në vit e Allegrit plus shtesat nuk e bën të lehtë për bardhezinjtë që të shkarkojnë trajnerin nga detyrat e tij, kryesisht për shkak se strategu toskan i kanë mbetur edhe dy vjet e gjysmë në kontratë me gjigantët e Serisë A.
Megjithatë, kjo nuk është arsyeja e vetme që Allegri do të mbetet në krye të skuadrës, sipas Gazzetta.
Së pari, nuk ka shumë trajnerë në dispozicion në mes të sezonit. Zinedine Zidane dhe Thomas Tuchel janë më të dalluarit, por Juventus nuk dëshiron të bëjë një zgjedhje kaq vendimtare për të ardhmen e skuadrës në mes të fushatës.
Me fjalë të tjera, ata nuk duan të marrin një zëvendësim të përhershëm për Allegrin ende pasi janë të vetëdijshëm se trajneri i ardhshëm do të duhet të drejtojë Juventusin gjatë sezoneve të ardhshme. Nëse gjërat dalin më tej jashtë kontrollit dhe shefi i tyre aktual shkarkohet para përfundimit të sezonit, Juventusi ka më shumë të ngjarë të zgjedhë një trajner të përkohshëm (raportimi përmend Claudio Ranierin ose Paulo Sousan), duke zgjedhur një zëvendësues afatgjatë për Allegrin në vitin 2023.
Së dyti, Allegri dhe Agnelli kanë një lidhje solide, vendimi për të hequr 55-vjeçarin në vitin 2021 u nda nga presidenti i klubit dhe kushëriri i tij John Elkann. Ata janë ende të bindur se Allegri mund t’i kthejë gjërat, ndaj trajneri italian nuk do të largohet, të paktën tani për tani.
Agnelli ka qenë në krye të Juventusit për më shumë se dhjetë vjet dhe kjo është një nga pikët më të ulëta të arritura gjatë mandatit të tij. Gjatë sezonit të tij të parë si president i klubit në 2010-11, Agnelli nuk e shkarkoi Luigi Delnerin pavarësisht një sezoni të tmerrshëm që e pa Zonjën e Vjetër të përfundonte në vendin e shtatë. Ish-trajneri i Sampdorias e mbajti punën e tij deri në fund të sezonit dhe më pas u zëvendësua nga Antonio Conte në verën e vitit 2011, duke filluar një epokë të re të artë për klubin.
Ndërsa këmbënguli që Juventusi të mos shkarkonte trajnerin e tyre, Agnelli konfirmoi mbrëmë se klubi do të bënte vlerësimin e tyre në fund të sezonit. /Telegrafi/