Sëmundja e Parkinsonit është një gjendje ku disa pjesë të trurit dëmtohen në mënyrë progresive gjatë shumë viteve.
Çrregullimi i trurit prek rreth një në 500 njerëz, por cilat janë simptomat?
Shumica e njerëzve që fillojnë të shfaqin simptoma janë mbi 50 vjeç, por një në 20 me këtë gjendje përjetojnë simptomat e para nën 40 vjeç. Ajo shkaktohet nga humbja e qelizave nervore në një pjesë të trurit të quajtur substantia nigra.
Kjo çon në një reduktim të një kimikati të quajtur dopaminë në tru – dopamina është çelësi për rregullimin e lëvizjes së trupit.
Prandaj, një reduktim i dopaminës është përgjegjës për shumë nga simptomat e sëmundjes së Parkinsonit.
Është e paqartë saktësisht se çfarë e shkakton humbjen e qelizave nervore. Shumica e ekspertëve mendojnë se një kombinim i faktorëve gjenetikë dhe mjedisorë është përgjegjës. Burrat kanë një rrezik pak më të lartë për t’u prekur nga Parkinson sesa gratë.
Sipas NHS , simptomat mund të përfshijnë:
-
Dridhje e pavullnetshme e pjesëve të veçanta të trupit
-
Lëvizje e ngadaltë
-
Muskuj të ngurtë dhe jo fleksibël
-
Depresion dhe ankth
-
Probleme të ekuilibrit
-
Humbje e shqisës së nuhatjes
-
Probleme me gjumin
-
Probleme me kujtesën. /Telegrafi/