Vrasja e tre ushtarëve amerikanë në Lindjen e Mesme, ka shtuar zërat se mund të kemi përshkallëzim të luftës në këtë rajon aziatik.
Por, çfarë dimë deri më tani për zhvillimet e fundit në Lindjen e Mesme.
Tre anëtarë të shërbimit amerikan u vranë dhe dhjetëra u plagosën, në atë që Shtetet e Bashkuara thanë se ishte një sulm me dron pranë kufirit të Jordanisë me Sirinë, raporton bbc.
Joe Biden tha se faktet e sulmit ishin ende duke u mbledhur, por se ai “u krye nga grupe militante radikale të mbështetura nga Irani që veprojnë në Siri dhe Irak”.
Ai gjithashtu paralajmëroi hakmarrje, duke thënë se SHBA-ja “do t’i mbajë të gjithë ata që janë përgjegjës të japin llogari në një kohë dhe në një mënyrë të zgjedhjes sonë”.
Kjo është hera e parë që ushtarë amerikanë vriten në rajon që nga sulmet e Hamasit më 7 tetor në Izraelin jugor.
Megjithatë, ka ende shumë që ne nuk dimë për sulmet.
Deri më tani, asnjë grup nuk ka marrë përgjegjësinë për sulmet ashtu sikurse deri më tani nuk ka reaguar Irani.
Jordania – aleat i ngushtë i amerikanëve – ka thënë gjithashtu se sulmet nuk ndodhën brenda Jordanisë, por ndodhën në Siri. /Telegrafi/