Ministri i Jashtëm slloven, Miro Cerar tha se Brexit tregoi unitetin e Unionit rreth shtetit të vogël anëtar të Irlandës, por që BE “ra” për çështjen e Ballkanit kur nuk mundi të pajtohej për hapjen e bisedimeve të pranimit me Maqedoninë Veriore dhe Shqipërinë.
“Ka disa efekte pozitive në pjesën e Bashkimit Evropian në lidhje me Brexit, pasi në një farë mënyre, ne kemi ruajtur unitetin tonë gjatë këtij procesi. Ne kemi treguar se jemi në gjendje të qëndrojmë prapa një vendi të vogël, Irlandës, për të mbrojtur interesat e tij, “tha Cerar për AP.
Cerar paralajmëroi se vendimi i BE-së për të mos filluar bisedimet e anëtarësimit me Maqedoninë Veriore dhe Shqipërinë dërgon një sinjal negativ për Ballkanin Perëndimor të paqëndrueshëm.
“Unë besoj se kjo shtyrje dhe mos marrja e një vendimi ishte një gabim historik,” u shpreh ai, transmeton KosovaPress.