Boston Celtics kanë vazhduar me formë të shkëlqyer në elitën e basketbollit amerikan NBA.
Gjiganti amerikan ka fituar ndeshjen e pestë radhazi, ku kësaj radhe triumfuan në udhëtim te Brooklyn Nets me tetë pikë diferencë 110:118.
Jayson Tatum ka qenë i pandalshëm në këtë takim me 41 pikë, 14 kërcime e pesë asistime.
Me lojë të mirë u dallua edhe Jaylen Brown që shtoi 19 pikë si dhe Al Horford dhe Derrick White që kontribuan me nga 16 të tjera.
The East:
– Celtics win 5th straight
– Heat move up to 7thFor more, download the NBA App:
📲 https://t.co/oRfhdB8ZfO pic.twitter.com/ehYUEmGHKv— NBA (@NBA) February 14, 2024
Fitore shumë të rëndësishme ka shënuar edhe Los Angeles Lakers në luftën për ‘Play-Off’.
Skuadra nga Kalifornia ka mposhtur Detroit Pistons me 14 pikë diferencë 125:111.
LeBron James ishte më efikasi me 25 pikë e tetë asistime, derisa merita të mëdha për fitoren e Lakers kishin edhe D’Angello Rusell dhe Anthony Davis.
Fundori amerikan realizoi 21 pikë, derisa qendra Davis shtoi 20 të tjera dhe 14 kërcime. /Telegrafi/
