Dani Carvajal dëshiron që Real Madridi të nënshkruajë me Rodrin dhe kjo është ajo që del nga fragmenti i intervistës së mbrojtësit spanjoll në “El Partidazo de Cope”.
Në intervistë, gazetari Miguel Angel Diaz e pyet nëse do të nënshkruante me Rodrin për Real Madridin, për të cilin Carvajal përgjigjet: “Po, pa dyshim, i them çdo ditë. Lëre Mançesterin, nuk ka diell, eja në Madrid, ne kemi nevojë për ty, dhe ju jeni nga këtu, nga Madridi”.
Juanma Castano më pas e pyet Carvajalin se cila është përgjigja e mesfushorit të Manchester Cityt kur dëgjon atë pyetje. Ylli i Real Madridit tregon se Rodri gjithmonë i thotë se ka kontratë, ndërsa deklaron se do të ishte e madhe për mesfushorin të luante te Los Blancos.
🚨⚪️ Dani Carvajal: “I tell Rodri every day to sign for Real Madrid”.
“I tell him every day to leave Manchester, that there is no sun there and to come to Madrid that we need him”.
“He tells me he has a contract… but he would be perfect for us”, told @tjcope. pic.twitter.com/PxqOmf74cl
— Fabrizio Romano (@FabrizioRomano) July 11, 2024
Rodri nënshkroi për Manchester Cityn në verën e vitit 2019, nga Atlético Madrid, në këmbim të 70 milionë eurove të klauzolës së tij.
Në verën e vitit 2013 ai u largua nga ekipi i të rinjve të Atléticos për në Villarreal, ku u ngrit derisa arriti në ekipin e parë në 2016, përpara se Atlético Madridi ta blinte për 20 milionë euro në vitin 2018.
Në Man City ai ka 257 ndeshje dhe ka qenë në një nivel të lartë për pesë sezone, duke qenë një nga lojtarët më të shquar në skuadrën e Pep Guardiolës , titullar i padiskutueshëm dhe i njohur në mbarë botën si një nga mesfushorët më të mirë në botë.
Ai ka kontratë deri në vitin 2027 dhe vlera e tij aktuale, sipas Transfermarkt, është 120 milionë euro, duke e bërë kështu lojtarin spanjoll më të vlefshëm në botë. /Telegrafi/