Deputetët e parlamentit britanik janë detyruar ta ndërpresin në gjysmë seancën ku po debatonin për Brexit-in, pasi një sasi e ujit ishte futur brenda sallës pas reshjeve të mëdha të shiut.
Si rezultat i sasisë së ujit që ishte futur brenda pasi kishte pikuar nga çatia, zëvendëskryeparlamentarja Lindsay Hoyle është detyruar ta ndërpresë seancën, transmeton Telegrafi.
Pallati Vestminster ka nevojë urgjente për riparime e meremetime, kurse deputetët më herët kishin refuzuar të bëhet një gjë e tillë, pasi do të detyroheshin të largohen për një kohë nga sallat ku tradicionalisht janë mbajtur seancat.
Videoja e publikuar më poshtë shfaq momentin kur një grup i vogël i deputetëve që po debatonin, detyrohen ta ndërpresin seancën për shkak të ujit që ishte futur brenda. /Telegrafi/
