Ish-legjenda e Real Madridit dhe aktualisht portier i Portos, Iker Casillas, nuk ka munguar me mesazhin e tij lamtumirës për Ronaldinhon.
Kjo pasi braziliani më në fund njoftoi se do të tërhiqet përfundimisht nga futbolli.
“Vuajta shumë nga ti, por si një tifoz i futbollit gjithashtu u kënaqa duke të të shikuar ty”, ka shkruar Casillas në Twitter.
Ronaldinho e filloi karrierën te Gremio, ndërsa në futbollin evropian u njoh së pari te Paris Saint Germaini, pastaj u transferua te Barcelona ku qëndroi për pesë sezone.
Më pas te Milani, Flamengo, Atletico Mineiro, Queretaro dhe Fluminense.
Ronaldinho është një nga ata lojtarët që pëlqehet edhe nga tifozët kundërshtarë të skuadrave që ka luajtur.
Vlen të theksohet se në mesin e shumë titujve ekipor dhe individual, ai ka dhe një Top të Artë. /Telegrafi/
