Casemiro u ka shkruar letër emocionuese Real Madridit dhe tifozëve.
Mesfushori brazilian u largua nga Los Blancos për te Manchester United në një shumë prej 70 milionë eurove plus 10 milionë bonuse, me një kontratë deri në vitin 2026 me mundësi vazhdimi edhe për një tjetër vit.
Casemiro i tha Real Madridit se nuk do të mund t’ia kthente të mirat që i mori ndër vite sa ishte aty, derisa ka jetuar historinë në “Santiago Bernabeu”.
Kam jetuar historinë më të mrekullueshme që kam menduar ndonjëherë. Shpresoj të kthehem një ditë në atë që do të jetë gjithmonë shtëpia ime”.
“Jo në njëmijë jetë nuk do të mund t’ia kthej Real Madridit dhe Madridistave për gjithçka që më keni dhënë. Përgjithmonë… Hala Madrid!”, thuhet në postimin e mesfushorit brazilian.
Luka Modric dhe Toni Kroos po ashtu lëshuan nga një letër emocionuese për Casemiron, duke kujtuar kohërat e mira që kanë kaluar së bashku. /Telegrafi/
