Dani Carvajal ka folur për të ardhmen e tij në Real Madrid e cila duket se nuk është e gjatë.
Mbrojtësi i djathtë, ka lënë të kuptohet për mundësinë e transferimit në Katar nëse ndonjëherë largohet nga klubi.
Veterani ka thënë se nuk është absurde dhe nëse largohet nga Reali nuk do të luaj për asnjë skuadër tjetër në Evropë.
“Po, pa dyshim. Nuk do të dukej si një ide absurde. Tashmë kam thënë se nëse ndonjëherë largohem nga Real Madrid, nuk do të luaj në Evropë”.
“Nuk do të garoj kundër Madridit, as në Ligën e Kampionëve dhe as në Spanjë. Dhe Katari do të ishte një destinacion i mundshëm”, deklaroi Carvajal.
Edhe pse pritet një zgjatje, komentet e Carvajal sugjerojnë se ai është i hapur për të eksploruar opsione jashtë Evropës kur koha e tij në Real Madrid të përfundojë. /Telegrafi/