Ylli i Real Madridit, Dani Carvajal ka shpresë se do të jetë në gjendje të mirëpresë Kylian Mbappe në klub para se të mbyllet afati kalimtar i verës.
Los Blancos e tejkaluan Real Betisin të shtunën mbrëma falë një goli të Carvajal për të fituar 1-0 pas barazimit 3-3 kundër Levantes fundjavën e kaluar.
Dhe shanset e tyre për të rimarrë titullin në La Liga mund të përmirësohen më tej nëse ata arrijnë ta transferojnë yllin e Paris Saint-Germain, Mbappe, në ditët në vijim.
Real Madridi ka parë dy oferta të refuzohen nga klubi francez në ditët e fundit, por Carvajal beson se klubi i tij mund ta transferojë yllin francez.
“Shpresoj se Mbappe mund të na bashkohet para se të mbyllet afati kalimtar”.
“Ai është një lojtar i madh dhe do të ishte një përforcim”, ka thënë Carvajal.
Oferta e fundit e Los Blancos për Mbappen peshon 170 milionë euro plus 10 milionë euro tjera bonuse. /Telegrafi/