Carragher nuk do të përballet me akuza pasi e pështyu një 14-vjeçare

Jamie Carragher nuk do të dënohet nga policia për pështyrjen e një vajze të re derisa ishte duke vozitur.

Për shkak të këtij veprimi, Sky Sports e ka pezulluar ish-futbollistin , i cili ka marrëveshje prej një milion funtesh (1.13 milion euro) në vit, për të kryer rolin e ekspertit në këtë transmetues sportiv.

Ish-mbrojtësi i Liverpoolit ishte xhiruar nga babai i një vajze 14-vjeçare, të cilën e ka pështyrë nga dritarja, njofton The Sun.

Lexo po ashtu Mediumi i madh anglez e pezullon Carragherin nga puna pasi e pështyu nga vetura një vajzë 14-vjeçare (Foto/Video)

Ngjarja ka ndodhur pas ndeshjes ndërmjet Liverpoolit dhe Manchester Unitedit, të cilën Redsat e humbën me rezultat 2-1.

Ai duket se është ngacmuar për ish-klubin e tij dhe nuk ka duruar diçka të tillë.

40-vjeçari ka thënë më pas se ndiente keqardhje për atë veprim dhe se kishte ndodhur si pasojë e lodhjes. Ai i ka kërkuar falje familjes së vajzës 14 vjeçare.

Sidoqoftë, familja e vajzës ka vendosur që të mos bëjë ankesë, ashtu që nuk do të ketë veprime të mëtutjeshme nga ana e policisë. /Telegrafi/