Mohamed Salah dhe Liverpool nuk kanë arritur ende një marrëveshje për një rinovim të mundshëm të kontratës, ndërsa legjenda e klubit, Jamie Carragher, këmbëngul se egjiptian meriton të marrë pagë sa marrin lojtarët e klasit botëror.
Në mungesë të Salah dhe Sadio Mane, të cilët janë larguar drejt Kupës së Kombeve të Afrikës, Liverpool nuk arriti të thyejë Arsenalin me 10 lojtarë duke barazuar 0-0 në Anfield të enjten.
“Kjo bisedë për kontratën e Salah ndoshta do të intensifikohet edhe më shumë, sepse kur ai nuk është aty, ju e shihni efektin që ka”.
“Si një tifoz i Liverpoolit, duhet të keni kujdes se kjo po zvarritet. Lojtarë të tjerë të mëdhenj në Liverpool kanë nënshkruar kontrata në tre ose katër muajt e fundit, portieri [Alisson Becker], Trent [Alexander-Arnold], Virgil van Dijk”.
“Salah dëshiron të paguhet si lojtar më i mirë në Ligën Premier apo futbollin botëror, dhe pse jo? Ai e meriton këtë, ne po flasim për një nga lojtarët më të mirë në botë”, deklaroi Carragher.
Carragher theksoi se tifozët e Liverpool mund të mos e falin klubin nëse nuk arrijnë ta lidhin Salah me një kontratë të re, me marrëveshjen e tij aktuale deri në verën e vitit 2023. /Telegrafi/