Cara Delevingne i tregoi të gjitha në “Met Gala 2022”.
Modelja eci në tapetin e kuq të së hënës me një xhaketë dhe pantallona të kuqe nga Dior Haute Couture, në një moment duke hequr xhaketën e saj për të zbuluar bustin e saj ‘topless’ të mbuluar me bojë ari.
Ndërsa shumë ishin të përqendruar në mënyrë të kuptueshme te dekolteja e praruar dhe bizhuteritë e trupit, të tjerë vunë re diçka që Delevingne nuk e mbuloi: psoriazën e saj.
29-vjeçarja la të palyera njollat e kuqe dhe të krisura në bërryla për të shmangur acarimin e mëtejshëm, një lëvizje që fansat e duartrokitën në rrjete sociale.
“Duke parë [Delevingne] që përqafon psoriazën e saj në ‘Met Gala’ fjalë për fjalë më bën kaq emocionues”, tha dikush. “Duke u treguar njerëzve me psoriazë se nuk ka asgjë për t’u turpëruar”, tha një tjetër.
Ndonëse bukuroshja britanike nuk ka thënë asgjë publikisht për pamjen e saj të “elegancës së praruar” gjatë natës, ajo dikur ka folur për psoriazën dhe si e ka ndikuar në të kaluarën.
“Unë nuk jam duke bërë më punë të modës, pasi kam psoriazë”, tha ajo për The Times në vitin 2015, duke e vlerësuar stresin e industrisë me shpërthimet e saj të shpeshta. Ndonëse që atëherë i është rikthyer modelingut, ajo shtoi gjithashtu se njerëzit nuk janë gjithmonë të sjellshëm për gjendjen e saj të lëkurës.
“Njerëzit vendosnin doreza dhe nuk donin të më preknin sepse mendonin se ishte lebër apo diçka tjetër”, tha ajo në të njëjtën intervistë. /Telegrafi/
