Dy reperët e njohur të skenës, Capital T dhe Ledri Vula kanë bashkuar forcat për një bashkëpunim.
Dyshja që ndër vite ruajnë një miqësi të mirë me njëri-tjetrin, më në fund janë bërë bashkë për një projekt të përbashkët.
Telegrafi merr vesh se ata janë në realizim e sipër të kësaj kënge, e cila premton të jetë një hit veror.
Capital T dhe Ledri kanë punuar vet për këngën, teksa edhe tekstin e kanë shkruar secili pjesën e tij.
Kënga do të vizualizohet edhe me klip, xhirimet e të cilit do të fillojnë së shpejti.
Dy reperët në fjalë kanë treguar nëpër intervistat e tyre ndër vite se kanë një miqësi të mirë mes vete, teksa të pyetur për bashkëpunim gjithnjë janë shprehur se do ta realizonin “kur të vinte koha”, dhe koha mesa duke ka ardhur. /Telegrafi/