Fabio Cannavaro është i lumtur që po e sheh Parmën sërish në Serie A, por hapësira me të tjerët thotë se është rritur.
Juventusi përballet me Parmën e rikthyer në Serie A nga ora 20:30.
Ish-mbrojtësi, tash trajneri i Guangzhou Evergrande në Kinë, ka luajtur edhe për Parmën edhe për Juventusin në karrierën e tij.
“Parma është qytet i bukur ku jam rritur me familjen time. Familja ime u rrit aq shumë sa që kemi ndryshuar pesë herë shtëpinë në shtatë vjet, por ishim të lumtur”
“Më mbush entuziazëm fakti se Stadio Tardini do të jetë i stërmbushur sërish për një ndeshje ndaj Juventusit, vetëm tri vjet pasi ekipi filloi garat në Serie D”, u shpreh Cannavaro.
Parma bankrotoi në vitin 2015, por arriti që në mënyrë rekord të promovohet tri vite rresht për t’u kthyer në Serie A.
“Parma nuk ka asgjë të humbasë, kështu që uk i dihet, sepse Juve është e fortë edhe pa Ronaldon. Por, mua më pëlqen Emre Can”.
“Juventusi është favorit për Scudetto dhe hapësira me të tjerët është rritur. Jashtë fushës po ashtu, pasi që klubet tjera nuk kanë përmirësuar infrastrukturën si Juve, duke ndërtaur qendër të re dhe duek formuar ekip B”.
“Juventusi ndihet i fortë si klub dhe nuk kanë frikë për ndryshime. Nuk ishte e lehtë t’u jipet fund raporteve me Buggonin dhe Marchision, por fuqia e klubit i mban edhe ata lart”, deklaroi Cannavaro. /Telegrafi/