Ish-presidenti i Real Madridit, Ramon Calderon u ka bërë thirrje organeve të klubit që të mos marrin vendim për shitjen e Cristiano Ronaldos.
Ish numri një i Realit ka rekomanduar mos shitjen e 33 vjeçarit sa më shpejt që është e mundur, pasi spekulimet nuk po ndalen.
Ronaldo po konsiderohet se është afër kalimit te Juventusi.
“Nëse Ronaldo largohet nga Reali, boshllëku është i vështirë që të zëvëndësohet”.
“Ju nuk mund të zëvëndësoni lehtë një kampion i cili përpos se është vendimtar në lojën ekipore, garanton më shumë se 50 gola për sezon dhe atë për nëntë vjet rresht”.
“Florentino Perez ka marrë vendime të shkëlqyera për Realin për vite të tëra, por ai ka një defekt që nuk e merr të punojë trashëgiminë e lënë nga dikush. Diçka e njëjtë ndodhi me Casillasin dhe Raulin”.
“Kulmoi kur Ronaldo e kuptoi se Florentino nuk e vlerësonte aq sa duhet. Ai dëshiron pagë më të mirë, që është normale kur je i punësuari më i mirë në kompani”.
“Ai është ofenduar nga spekulimet se Reali është gati ta paguajë dyfishin e pagës për Neymarin”, deklaroi Calderon. /Telegrafi/