Janë planifikuar të investohen 350 milionë euro për projekte kapitale në të gjitha agjencionet buxhetore të nivelit qendror për vitin 2015. Por, vetëm 38 milionë euro do të ndahen nga buxheti i shtetit për projekte të reja. Plotë 311 milionë euro projekte kapitale që nuk u realizuan këtë vit do të barten vitin e ardhshëm. Kjo përfshinë mbi 90 për qind të projekteve.
Kështu, shumë ministri do të vazhdojnë me trendin e njëjtë të aktiviteteve pasi nuk do të kenë asgjë të re për të realizuar e disa do të merren me punë simbolike.
Ministria e Diasporës është njëra nga ato që për vitin e ardhshëm nuk do të bëjë asnjë investim të ri, por do të zbatojë investime në vlerë 9 milionë euro që kanë nisur këtë vit.
Njëjtë do të veprojnë edhe ambasadat e disa agjencione tjera të pavarura. Për dallim nga vitet paraprake sivjet duket se më së paku kanë punuar pikërisht ato ministri që njihen si shpenzueset më të mëdha të parave./Tribuna/Telegrafi/