“Hajt Hajt” është një prej realizimeve më të fundit të këngëtarit shqiptar, Butrint Imeri.
Ky projekt i tij u mirëprit nga publiku dhe në YouTube për vetëm dy javë ka grumbulluar mbi tetë milionë shikime.
Së fundmi, Butrinti në rrjetin social Instagram ka publikuar një fotografi me menaxherin e tij, Denis Avdiun, i cili njëherësh është edhe pronari i kompanisë muzikore, AVD Digital, ndërsa e ka paralajmëruar hitin e radhës.
“Më beso është një bashkëpunim shumë i fortë”, ka shkruar Butrinti në postimin e ndarë me ndjekësit e tij.
Pjesë e kësaj kompanie të madhe,e cila ka sjell një mori hitesh është bërë edhe këngëtarja Orhidea Latifi, pas largimit nga labeli “On Records”.
Ndërkaq, klipi i fundit i Butrintit u përfol mjaft shumë, pasi pjesë e tij ishte edhe prezantuesja Kiara Tito, kjo e fundit që spekulohet se është në lidhje me artistin tonë. /Telegrafi/
