Ka kohë që nuk ka publikuar ndonjë prurje të re muzikore për fansat e saj.
Fjala është për këngëtaren e njohur Era Istrefi, e cila që nga muaji mars nuk ka sjell këngë të re, teksa në gjuhën shqipe që nga prilli i vitit 2019.
Dhe duket se tani ka filluar punën për një projekt muzikor, kjo pasi ndau një fotografi në një studio muzikore.
Biondja, e cila numëron 1.5 milion ndjekës në Instagram, në fotografinë e hedhur shfaqet përkrah reperit Buta.
Kjo lë të dyshohet se dyshja po sjellin një bashkëpunim ndonëse nuk kanë konfirmuar një gjë të tillë akoma.
Një imazh me Erën në Instagram e ka shpërndarë edhe Buta, në të cilin pranoi komente e reagime të ndryshme nga ndjekësit duke aluduar për një këngë të mundshme.
Megjithatë, në vazhdim presim të shohim se çfarë janë duke përgatitur dyshja e famshme e showbizit shqiptar. /Telegrafi/
