Sergio Busquets e pranon se Barcelona ishin taktikisht inferior ndaj Paris Saint-Germain, pas humbjes së thellë 4-0 në Ligën e Kampionëve të martën.
Duke folur për TV3 pas ndeshjes, Busquets ishte i bindur se problemi i Barcelonës në PSG erdhi nga një dështim në strategji në krahasim me qëndrimin dhe u zotua se skuadra e tij do të përpiqet për të përmbysur deficitin e tyre pas dy javëve.
“Ata ishin më të mirë se ne në shumë faza të lojës. Taktika e tyre ishte më e mirë se e jona. Kjo nuk është një çështje e qëndrimit, por e futbollit. Duke bërë presing më shumë dhe ishin më të mirë faktikisht” ka thënë fillimisht Busquets pas ndeshjes.
“Ata ishin në gjendje të hartojnë një strategji dhe të marrin atë që donin, edhe pse ndoshta rezultati është shumë i rëndë. Ne imagjinuam diçka tjetër”, përcjell Telegrafi.
“Ne do të përpiqemi për rikthemi përsëri në Camp Nou, edhe pse e dimë se do të jetë shumë e vështirë”
“Pas asaj që ndodhi sonte, ne nuk u japin atyre arsye të mirë për të na besuar neve. Është shumë e vështirë, nuk do ta gënjej, por ne do të përpiqemi”, përfundoi mesfushori spanjoll. /Telegrafi/