Një video e kapur nga kamerat e sigurisë shfaq momentin kur një aeroplan që kishte dalë nga kontrolli, për pak sa nuk e godet një burrë në një fushë golfi derisa u përplas në një zonë të gjelbër në Kaliforni.
Aeroplani “rrëshqiti” në fushën e golfit në Haggin Oaks të Sakramentos, transmeton Telegrafi.
Në video shihet golfisti duke stërvitur goditjet në fushën e gjelbëruar, kur një aeroplan i tipit Piper PA28 lëvizë drejt tij dhe për pak sa nuk e godet.
Për fat të mirë burri shpëtoi pa ndonjë lëndim sikurse edhe piloti i aeroplanit, që tha se kishte patur një defekt mekanik në fluturake derisa po fluturonte.
“Është mrekulli që askush nuk është lënduar në një zonë të populluar dhe shumë pjesëmarrës në fushën e golfit”, tha Ken Morton Jr, zëvendëspresident i klubit të golfit Haggin Oaks. /Telegrafi/
