Një i burgosur në burgun e Dubravës i cili kishte shkuar për fundjavë në shtëpi më 21 prill të këtij viti, nuk ishte rikthyer në datën e caktuar në burg dhe gjatë kësaj kohe kishte kryer një vepër penale.
Sipas raportit të Policisë së Kosovës, dyshohet se i burgosuri kishte kryer një sulm seksual gjatë kohës sa ai ishte i lirë.
Policia ka bërë të ditur se personi është arrestuar gjatë ditës së djeshme dhe është rikthyer në vuajtje të dënimit në burgun e Dubravës.
“Prizren 21.04.2019-19:36. Në lidhje me rastin është raportuar se me 10.05.2019 i dyshuari mashkull K/Shqiptar, është arrestuar dhe rikthyer në vuajtje dënimi në burgun e Dubravës pasi që i njëjti derisa ishte në vikend në shtëpi nuk ishte kthyer dhe dyshohet se kishte kryer veprën penale të lartcekur”, thuhet në raportin e policisë.